Share/Bookmark

११ डिसें, २०१०

तांत्रिक विश्लेषणाची ओळख- मागील सर्व भाग लवकरच ब्लोगवरच उपलब्ध !

या ब्लोगचे सदस्य आणि सर्व वाचक मित्रहो,
आतापर्यंत या ब्लोगचे सदस्य झालेल्या वाचकांनाच  "तांत्रिक विश्लेषणाची ओळख" क्रमश: करून देणे चालू होते, मात्र नव्याने सदस्य झालेल्या मित्रांना मागील भाग वाचायला मिळत नव्हते, आणि त्यासाठी त्यांनी मुद्दाम विनंती केल्यावर त्यांना ते योग्य फोर्मेटमध्ये रुपांतरीत करून व्यक्तिगत मेल द्वारे पाठवणे वेळेअभावी नीट जमत नव्हते. तेव्हा आता लवकरच मागील सर्व भाग या ब्लोगवरच थेट उपलब्ध करून देण्याचे ठरवले आहे. म्हणजेच सर्व ( सदस्यत्व नसलेल्याही) वाचकांना आता कुठलाही भाग कधीही बघता येवू शकेल, तसेच आता गूगल फ्रेन्ड कनेक्टद्वारे हे भाग पाठवणे थांबवत आहे.
वेळेअभावी काही वेळेला पुढील भाग प्रसिद्ध करण्यास विलंब होतो, मात्र सर्व वाचक मित्र मला समजून घेतील ही खात्री आहे.
या ब्लोगचे सदस्यत्व घेतलेल्यांना एक नवीन व वेगळे न्युजलेटर नियमीतपणे देण्याचेही योजत आहे, मात्र त्यासाठी थोडीशी प्रतिक्षा करण्याची विनंती.

Read more »

२९ नोव्हें, २०१०

शेअर्स खरेदी करण्य़ाची योग्य वेळ ..?

 दिवाळी मुहुर्ताच्या दिवशी दिसलेल्या तेजीनंतर गेले दोन आठवडे बाजार सातत्याने पडत आहे. याला ग्लोबल घटना कारणीभूत होत्या, तसेच देशांतर्गत घोटाळेही ! पण सर्वात महत्वाचे कारण म्हणजे

Read more »

२६ नोव्हें, २०१०

सेन्सेक्स परत १५००० होणार कि १०००० ?

२००९ मध्ये मार्केट चढायला लागल्यावर मला बरेच जण विचारायचे- सेन्सेक्स परत २१००० वर केव्हा जाईल ? त्या प्रश्नाचे मला हसू येत असे, आणि आता काही जण विचारतात -

Read more »

२५ नोव्हें, २०१०

एलआयसी हाऊसिंग व बेंकांचा घोटाळा-कि लाचखोरी....

नुकतीच सध्याच्या घोटाळा प्रकरणांवर येथे टिप्पणी केली होती, आणि काल आणखी एक प्रकरण बाहेर आले,(अर्थात परवाच छापे टाकले होते अशीही बातमी आहे). पडत्या मार्केटला आणखी एक कारण मिळाले. पण जेव्हा मार्केट चढत होते तेव्हा

Read more »

२१ नोव्हें, २०१०

2G स्पेक्ट्रम चे बाजारातील पडसाद...

शुक्रवारी सकाळ्पासून हेन्गसेन्ग कोसळतच होता, मात्र दुपारी साडेबारा (तेथील वेळेनुसार) नंतर त्याने अचानक ३०० पेक्षा जास्त पोइन्टची सरळ उभी मुसंडी मारली, तेव्हाच जागतिक बाजार सावरत असल्याचे चित्र स्पष्ट दिसत होते, आणि

Read more »

१५ नोव्हें, २०१०

कुठल्या शेअर्समधे बोटम फिशिंग करावे ?

नव्या आठवड्याची सुरुवात बाजार कशी करतो याची उत्सुकता सर्वांनाच आहे.गेल्या आठवड्यातला डाऊनट्रेन्ड, आणि आयर्लंडच्या कर्जबाजारी होण्याची नव्याने होत असलेली चर्चा या बाबी बाजारासाठी प्रतिकूल आहेत, मात्र जपानमध्ये GDP मध्ये झालेली वाढ

Read more »

११ नोव्हें, २०१०

दोन दगडांवर पाय ठेवणे आवश्यक...

दि. ८ नोव्हेंबर रोजी मी येथे ५% करेक्शनबद्दल लिहिले होते.एकंदर ग्लोबल सेलींगचा परिणाम म्हणून का होइना पण समजा ५% करेक्शन झाले- म्हणजे साधारणपणे ६३०० हा TOP समजला तर तेथून निफ्टी ३०० ते ३५० पोइंट खाली येवू शकतो आणि नेमके टेक्निकली

Read more »

७ नोव्हें, २०१०

तेजीची दिवाळी आणि ओबामा दौरा... आता पुढे काय ?

  कोल इंडीयाचे उत्तम लिस्टींग, ऐन दिवाळीत ALL TIME HIGH असणारा बाजार, ओबामांचा भारत दौरा अशा भरगच्च घडामोडींचा आठवडा संपून आता पुढील आठवड्याचा अंदाज घेवूया.
उच्च पातळीवर आलेले लंडन व अमेरिकेचे बाजार

Read more »

४ नोव्हें, २०१०

कोल इंडिया चे लिस्टिंग, फेडरल रिजर्वचे ६०० मि.डोलरचे स्टिम्युलस, आणि ओबामाची भारत-भेट

कोल इंडिया चे लिस्टिंग, फेडरल रिजर्वचे ६०० मि.डोलरचे स्टिम्युलस, आणि ओबामाची भारत-भेट अशा महत्वाच्या घटना या आठवड्यात घडत आहेत.रिलायन्स इंडस्ट्रीजमध्ये कालही विक्री झाल्याने बाजार विशेष वाढू शकला नाही.काल येथे म्हटल्याप्रमाणे

Read more »

२ नोव्हें, २०१०

RBI क्रेडिट पोलिसी रिव्ह्यु - व्याज दर वाढणार का ?

याआधी मी टेक्निकली बाजार वीक असल्याचे जरूर लिहिले होते, मात्र खाली आलेल्या चांगल्या शेअर्समध्ये खरेदी करायचेही सुचवले होते, आणि आशियाई बाजार आठवड्याची सुरुवात कसे करतात हेही बघायला सांगितले होते. सकाळी हेन्गसेन्ग इंडॆक्सने मजबूत ओपनिंग दिले तेव्हाच

Read more »

१ नोव्हें, २०१०

फायद्याचा आढावा ...आणि "स्विच-ओवर" चे महत्व ....

येत्या आठवड्यात, बाजार एका महत्वाच्या टप्प्यावर उभा असताना सप्टेंबरपासून सुरू झालेल्या तेजीमध्ये आपलेकडील शेअरनी कितपत वाढ दाखवली याचा आढावा घेणे आवश्यक आहे. त्यापैकी न वाढलेले शेअर का वाढले नाहीत ते शोधून आवश्यक तर

Read more »

१८ ऑक्टो, २०१०

आजपासून ९.१५ वा.पासून बाजारात प्रत्यक्ष व्यवहार होणार...

शुक्रवारी जोरात कोसळलेला आपला बाजार कोल इंडीयाच्या IPO मुळे कोसळला कि आता करेक्शन चालू झाले आहे हाच प्रश्न सर्वांच्या मनात गेले दोन दिवस ठाण मांडून असणार हे नक्की. त्यात आणखी एक महत्वाची बातमी अशी कि आजपासून सकाळी ९.१५ वा. बाजार प्रत्यक्ष व्यवहार सुरू करणार आहे. त्याआधीची पहिली १५ मिनिटे फक्त ओर्डर स्वीकारल्या जातील, मात्र

Read more »

४ ऑक्टो, २०१०

चढत्या बाजारात आपले शेअर मात्र वाढत नाहीत ....?

या आधीच्या पोस्टमध्ये मी कन्सोलिडेशनचा उल्लेख केला होता, आणि या कन्सोलिडेशन नंतर बाजार आणखी पुढे झेपाव्ण्याची शक्यता वर्तवली होती, मात्र इतक्या लवकर हे कन्सोलिडेशन पूर्ण होवून ओक्टोबरच्या पहिल्या तारखेलाच आणि शुक्रवारी बाजाराने वाढून सर्वांनाच चकित केले. बाजाराने आता ६००० ते ६५०० अशा झोन मध्ये प्रवेश केल्याचे दिसत आहे. (निफ्टी पी/ई च्या आकडेमोडीनुसार काही दिवसापूर्वी व्यक्त केलेला आपला अंदाजही ६६५० च्या जवळपास होता.)
परकिय गुंतवणूकदारांची आक्रमक खरेदी हे मुख्य कारण असले तरी

Read more »

२१ सप्टें, २०१०

स्टॉपलॉस कसा लावावा ?

काल निफ्टी ६००० तर सेन्सेक्स २०००० या जादुई आकड्यांच्या अगदी जवळ जावून ठेपले आहेत. आता बाजारात रोजच वाढीची शक्यता गृहित धरून इण्ट्रा-डे किंवा फक्त ३-४ दिवसासाठी ट्रेडिंग करून झटपट फायदा कमवणे सुरू झाले आहे.अशा प्रकारे वेगाने फायदा कमवण्याच्या संधी क्वचितच येतात, मात्र त्यात अचानक होणारे नुकसान कमीतकमी राखण्यासाठी

Read more »

१९ सप्टें, २०१०

हीसुद्धा दीर्घकालीन गुंतवणूकच नाही का?

विदेशी गुंतवणूकदारांनी सततची खरेदी करून आपल्या बाजाराला सुमारे अडीच वर्षांतील सर्वोच्च पातळीवर नेवून ठेवले आहे. या पातळीवर बर्याच जणांनी आपला फायदा काढून घेतला असेल अथवा काहीजण अजून किंमती वाढण्याच्या प्रतिक्षेत असतील.
असे म्हणतात कि दीर्घ कालावधीसाठी गुंतवणूक करणार्यांनी बाजारातील रोजच्या हालचालीकडे बघण्याची गरज नसते.त्यांच्या दृष्टीने ५ किंवा १० वर्षानंतरच खरा फायदा मिळणार असतो.
दीर्घकालीन गुंतवणूकीवर कर नसल्याने हा दृष्टीकोन अधिकच योग्य वाटू लागतो.खरेच नेहमीच असे असते का?

Read more »

१२ सप्टें, २०१०

बाजारातील तेजी आणि निफ्टी पी/ई -


सर्व वाचकांना गणेशोत्सवानिमित्ताने शुभेच्छा !
गेले काही आठवडे जागतिक बाजारातील वाढ, आपल्या कंपन्यांचे बर्यापैकी निकाल, चांगला मान्सून अशा अनेक कारणांमुळे आपला बाजार वाढत आहे असे सर्व माध्यमातून आपण वाचत-ऐकत आहोत.
ही सर्व कारणे आपापल्या परीने बाजाराला वाढायला कारणीभूत असतीलही, मात्र बाजारात होणारी सततची वाढ, आणि बाजार थोडा खाली येताच तेथे झपाट्याने होणारी खरेदी याचे मुख्य कारण आहे ते म्हणजे

Read more »

२८ ऑग, २०१०

Reliance Industries Ltd. - रिलायन्सचे काय होणार?



गेले काही महिने १००० ते ११०० (म्हणजेच बोनसपूर्वीचे २००० ते २२०० ) या रेंजमध्ये फिरणारा रिलायन्स इंड. चा शेअर जुलाई’१० च्या सुरुवातीपासून सतत खाली येत आहे.या आठवड्यात तर त्याने ९५० ची पातळीही तोडलेली दिसत आहे.यामुळे साहजिकच अनेक शेअरहोल्डर चिंतेत आहेत. रिलायन्समध्ये घडते आहे तरी काय हे जाणून घेण्यासाठी प्रथम आपण थोडासा घटनाक्रम पाहूया.-

* ९ जून ’१० ची बातमी - रिलायन्सने ५.५ बिलिअन रुपये उभारले. ही रक्कम कशासाठी वापरली जाणार याचा खुलासा झाला नाही.
*९ जून ’१० -रिलायन्स टेलीकोम सेक्टरमध्ये प्रवेश करणार अशी बातमी. स्पेक्ट्रमच्या लिलावातील "विनर" कंपनीचे अधिग्रहण करण्याचा विचार. 
*१० जून ची बातमी- पायोनीअर नेचरल रिसोर्सेस या अमेरिकन कं. ची युनिट्स खरेदी करण्याची रिलायन्सची योजना.
* ११ जून -रिलायन्सची इन्फोटेल ब्रोडबेंड कं. खरेदी करण्याची योजना.
*१४ जून - रिलायन्स येत्या दोन वर्षात ब्रोडबेंड सेवाक्षेत्रात १ बिलिअन डोलर गुंतविणार.
* १४ जून - रिलायन्स गुजरातमधील आपल्या पेट्रोकेमीकल उद्योगाच्या विस्तारावर ३ बिलिअन  डोलर्स खर्च करणार.

या काही ठळक योजना आहेत ज्यामध्ये रिलायन्स रस घेत आहे. या योजनांना अंतिम स्वरूप देणे हे फार मोठे आव्हान असून जर रिलायन्सची स्थिती कमकुवत असती तर त्यांनी हे आव्हान स्वीकारले नसते असे मला वाटते. रिलायन्सच्या एकूण शेअरकेपिटल पैकी ४४% हिस्सा हा प्रमोटर्स कडे, पर्यायाने मालकांकडे असून शेअरच्या भावामध्ये झालेली घसरण त्यांनी नक्कीच नजरेआड केलेली नसणार, आणि भविष्यात ती किंमत वर कशी आणायची या विषयात तर रिलायन्स ग्रूप कुशल समजला जातो. 


दि.२३ ओगस्ट रोजीच्या शेअरखानच्या रिपोर्टनुसार पुढील तीन क्वार्टर्स पर्यंत रिलायन्सच्या केजी बेसीन मधील उत्पादन स्थिर रहाणार असून त्यामुळे २०११ पर्यंत तरी रिलायन्सच्या अर्निंगमध्ये भरघोस वाढीची शक्यता नाही, आणि त्याचेच चित्र बाजारातील शेअरच्या किंमतीमध्ये सध्या दिसत आहे.


मात्र शेअरखानने हे ही नमूद केले आहे कि अमेरिकन मार्केटमधील रिलायन्सचा प्रवेश ही भविष्यातील मोठी झेप ठरणार असून दीर्घ कालावधीसाठी त्यांनी रिलायन्सचा शेअर accumulate करणे सुचवले आहे. शेअरखानच्या रिपोर्टनुसार रिलायन्सची अलिकडील व भविष्यातील (संभाव्य) कामगिरी  खालीलप्रमाणे आहे- आणि ती नक्कीच आश्वासक आहे.आणि आपण त्यामध्ये दीर्घकालीन गुंतवणूक करण्यास हरकत नाही असे दिसते.

आता रिलायन्सचा शेअर accumulate करण्याआधी आपण रिलायन्सच्या एका वर्षाच्या चार्टवर नजर टाकू या.
 
एका वर्षाच्या चार्टनुसार तांत्रिकदृष्ट्या रिलायन्सने सर्व महत्वाचे सपोर्ट तोडले असून नोव्हेंबरच्या सुरुवातीस असणारी ९१० ही पातळी आता खूप महत्वाची ठरणार आहे. त्यापातळीपर्यंत तो पडेल किंवा नाही हे नक्की नसले तरी ती एक शक्यता आहेच, म्हणून ती पातळी गाठेपर्यंत आपली गुंतवणूक खालचे बजूस अधिक असेल अशा प्रकारे विभाजित करून टप्प्याटप्प्याने आपली खरेदी करणे योग्य ठरेल असे मला वाटते,

Read more »

१६ ऑग, २०१०

कन्सोलिडेशन कि करेक्शन?

सोमवार दि. १६ ओगस्ट -
आज सकाळपासून ५४५० च्या आसपास ठराविक चाकोरीत फिरणारा बाजार दुपारी सुमारे एकनंतर अचानक खाली येणे सुरू झाले- साधारण त्याच वेळेपर्यंत सकाळपासून जोरात असलेला  रिलायन्स इंडस्ट्रीज ९९० ची विरोध पातळी तोडण्यात असफल झाला होता. ( काल याचा अंदाज येथे व्यक्त केला होता) अखेर त्यात विक्री झाली आणि बाजारातील  किरकोळ  वाढही अखेर दिसेनाशी झाली. गेल्या काही दिवसातील घटीनंतर रिलायन्स आता ९७० ते ९९० मध्ये कन्सोलिडेट होईल असा एक अर्थ यातून निघतो. 
निफ्टीने ५४४० ची लेवल तोडल्यावर लंडन बाजारातही विक्री झाली आणि मग निफ्टी थेट ५४०० या सपोर्ट लेवलवर येवून मगच सावरला. मी हे लिहीत असताना लंडन बाजार घट दाखवत असला तरी FTSE  निर्देशांक ५२२० च्या खाली येत नाही तोपर्यंत चिंतेचे कारण वाटत नाही.
आपल्या बाजारासाठी अर्थातच ५४०० व ५३८० या आधार पातळी महत्वाच्या आहेत, तर आता ५४४० व ५४७० येथे विरोध राहील.
सध्या आपल्या बाजाराला वाढण्यासाठी विशेष "ट्रिगर" नाही, तसेच मोठ्या करेक्शनचीही शक्यता वाटत नाही. अशा परिस्थितीत विदेशी बाजार परिणामकारक ठरू शकतात.
आज अचानक  झालेल्या विक्रीची कल्पना आधी येणे कठीण होते. अशा प्रकारे बाजार आपल्याला कधी ना कधी फसवतच असतो. मात्र हीच वेळ असते शांत रहाण्याची ,आणि ज्यांनी विशेष  खरेदी वा विक्री केलेली असेल त्यांनी STOPLOSS लावण्याची !  या क्षेत्रातील दिग्गजांचे एक वाक्य मला खूप भावते -

 "STOPLOSS  IS  THE  SPICE  OF  THE  TRADE ! "  

Read more »

१४ ऑग, २०१०

सदस्यांसाठी न्युजलेटर, आणि वाचकांच्या प्रतिक्रियांबद्दल ...

या ब्लोगचे सर्व नवीन वाचक व सदस्य यांच्या माहितीसाठी येथे पुन्हा नमूद करत आहे कि सर्व सदस्यांना "तांत्रिक विश्लेषण" विषयक माहिती देणारे पत्रक ईमेल द्वारे पाठवण्यात येते. ज्या सदस्यांना सदस्यता घेण्यापूर्वीची, म्हणजेच प्रथमपासूनची माहितीपत्रके हवी असतील त्यांनी आपल्या ईमेल पत्त्यासह प्रतिक्रिया /COMMENT दिल्यास त्यांना त्वरीत पाठविली जातील.
  गेले काही दिवस वाचकांना काही तांत्रिक अडचणीमुळे या ब्लोगवर आपल्या प्रतिक्रिया देता येत नव्हत्या.  यावर उपाय शोधून प्रतिक्रिया सहजपणे देता येतील अशी व्यवस्था करण्यात आली आहे. तरीही काही प्रश्न असल्यास  sandipyanbu@yahoo.in या पत्त्यावर वाचक संपर्क साधू शकतात.
आपल्या सर्वांना साप्ताहिक सुट्टी व स्वातंत्र्यदिनाच्या हार्दिक शुभेच्छा !




Read more »

२ ऑग, २०१०

Read more »

२७ जुलै, २०१०

रिजर्व बेंक क्रेडिट पोलिसी आणि रिलायन्स,एल.एंड टी.चे निकाल...

    मंगळवार दि.२७ जुलाई-
  काल सोमवारी चांगल्या आशियाई बाजारांच्या पार्श्वभूमीवरही आपला बाजार सुरुवातीपासून घसरत गेला. असे का झाले आणि नजिकच्या काळात आणखी काय काय घडेल याचा अंदाज घेवूया.
    युरोपीयन बेंकांची स्ट्रेस टेस्ट व त्याच्या निकालामुळे शुक्रवारी अमेरिकन बाजार मजबूत झाले होते. सोमवारी सकाळी आशियाई बाजारही मजबूत होते. याचाच अर्थ आपला बाजार पडण्याची कारणे स्थानिक आहेत.
  प्रमुख कारण म्हणजे महागाईला आटोक्यात आणण्यासाठी रिजर्व बेंकेच्या, मंगळवारी जाहीर होणार्या क्रेडिट पोलिसीमध्ये रेपो रेट व रिवर्स रेपो रेट ( कदाचित सी.आर. आर. रेट) वाढण्याची शक्यता !
  थोडक्यात सांगायचे तर -  "रेपो रेट" म्हणजे रिजर्व बेंकेकडून इतर बेंकांनी घेतलेल्या कर्जावरील व्याजदर व "रिवर्स रेपो" म्हणजे रिजर्व बेकेने (सिक्युरिटीज च्या मोबदल्यात) इतर बेंकांकडून जमा केलेल्या निधीवरील व्याजदर होय.
  "सी.आर.आर. रेट" म्हणजे देशातील इतर सर्व बेंकांना , आपल्या केश रिजर्वच्या ( राखीव निधी) ठराविक टक्के रक्कम रिजर्व बेंकेकडे नियमानुसार ठेवावी लागते- त्याची टक्केवारी होय.
       हे रेट कमी - जास्त करून रिजर्व बेंक देशातील पैशाची उपलब्धता ( LIQUIDITY) कमी - जास्त करू शकते आणि त्याद्वारे इन्फ्लेशन ( महागाई ) तसेच डिफ्लेशन ( अनुत्पादकता, तुटपुन्जे पगार, व उलाढालीतील अनुत्साह ) या गोष्टी नियंत्रणात आणू शकते.
 अशा प्रकारच्या ( मंगळवारी जाहीर होणार्या ) क्रेडिट धोरणामुळे विविध उद्योगांना लागणार्या कर्जाचा दरही ठरत असल्याने  बाजारावर परिणाम होणे साहजिक असते.
  सर्वसाधारण अंदाजानुसार रेपो व रिवर्स रेपो दर हे ०.२५ % वाढण्याची शक्यता आहे.
  जर रेपो आणि रिवर्स रेपोबरोबर सी.आर.आर. रेटही वाढल्रे तर त्याचा शेअरबाजारावर प्रतिकूल परिणाम होवू शकतो. त्याचीच चूणूक आपल्याला बेंकाच्या शेअरमध्ये काल झालेल्या विक्रीतून दिसली आहे.
  माझ्या आतापर्यंतच्या अनुभवानुसार अशा प्रकारे व्याजदरातील बदलाने होणारा बाजारावरील परिणाम हा तात्कालिक स्वरुपाचा असतो आणि त्यामुळे चांगल्या कंपन्यांमध्ये गुंतवणूक असेल तर आपले काहीही बिघडणार नाही.
      बाजार पडण्याचे दुसरे कारण म्हणजे मारुतीचे अनपेक्षीत आलेले वाईट तिमाही निकाल  ! यामुळे सर्व वाहन कंपन्यांमध्ये विक्री झाली - अर्थात त्यांच्या किंमती गेल्या आठवड्यात वाढल्याचे आपण बघितलेच असेल. तेव्हा वर-खाली होणारे भाव हे तर शेअरबाजाराचे वैशिष्ट्यच आहे - त्याचा फायदा वेळीच घेणे महत्वाचे असते.
 तिसरे कारण म्हणजे रिलायन्स इंडस्ट्रीज, एल.एन्ड टी., स्टेट बेंक या व इतर मोठ्या कंपन्यांचे या आठवड्यात जाहीर होणारे तिमाही निकाल हे होय.
      अशा विविध घटनांच्या पार्श्वभूमीवर आपल्या बाजाराने थोडा दम टाकणे अगदी साहजिक आहे. सी.आर.आर.रेट वाढला नाही आणि कंपन्याचे निकाल वाईट नसले तर बाजार आणखी पडण्याचे काही कारण दिसत नाही. तांत्रिक दृष्ट्या महत्वाची असलेली ५४०० ही पातळी निफ्टीने काल निर्णायकरित्या तोडलेली नाही, मात्र वरील घटनांच्या प्रभावामुळे टेक्निकल लेवल्स काही प्रमाणात ओलांडल्या जावू शकतात -  मात्र घटनांचा तात्कालिक प्रभाव ओसरेपर्यंतच !
२९ जुलाई रोजीच्या F & O सेटलमेंट नंतर परिस्थिती अधिकाधिक स्पष्ट होण्याची अपेक्षा आहे.
   

Read more »

२१ जून, २०१०

काही झाले तरी फायदाच !

मजबूत जागतिक पार्श्वभूमीवर आपल्या निफ्टीने आज ५३०० च्या पूढे दिमाखात मजल मारली आहे. या आठवड्याची सुरुवात जोरात झाली आहे. गुंतवणूकदारांना फायदा झालेला दिसत आहे.
अशा प्रकारे तेजीच्या वातावरणातही, या आधीच्या लिखाणात मी नवीन गुंतवणूक टाळण्याचा सल्ला दिला होता, तो मात्र मी आजही कायम ठेवत आहे. असे का ?

Read more »

१९ जून, २०१०

"तांत्रिक विश्लेषण" विषयक माहितीपत्र ...

सर्व वाचकांना माहीतच असेल कि "शेअरबाजार-साधा सोपा" कडून सर्व सदस्य किंवा अनुयायांना पाठविले जाणारे "तांत्रिक विश्लेषण" विषयक माहितीपत्र हे गूगल फ्रेंड कनेक्ट या गूगल सेवेतर्फे पाठविले जाते. या माहितीपत्रामध्ये अर्थातच आलेखाकृतींचा समावेश आहे. काही कारणाने गूगलच्या या सेवेमध्ये इमेज अपलोड सध्या शक्य होत नसल्याने, सदस्यांची गैरसोय टाळण्यासाठी , सदर माहितीपत्र (भाग-३)  फ्रेंड कनेक्ट तर्फे न पाठविता ते यावेळी येथेच प्रकाशित करण्याचे ठरविले आहे. सदर अडचण दूर झाल्यावर सर्व सदस्यांना ते पूर्वीप्रमाणेच पाठविले जाईल.

मात्र यामुळे सदस्यता न घेतलेल्यांना येथे त्याचा अनायासेच लाभ होणार आहे, तेव्हा ज्या कुणाला पुढील सर्व भाग हवे असतील त्यांनी या ब्लोगची सदस्यता घेउन दर आठवड्याला मराठीतून प्रसिद्ध होणार्या या माहितीपत्राचा लाभ घ्यावा. ही सेवा अर्थातच पूर्णपणे मोफत आहे.
ज्या सदस्यांना हे माहितीपत्र काही कारणाने मिळाले नसेल त्यांनी येथेच Comment मध्ये आपल्या इमेल पत्त्यासह तसे कळवल्यास त्यांना ते त्वरीत पाठवले जाईल.

   ***************************************************************************

                              तांत्रिक विश्लेषण-भाग ३


                  विविध ट्रेंड्स आणि त्यांची उपयुक्तता-
तांत्रिक विश्लेषणातील सर्वात महत्वाचा गणला जाणारा घटक म्हणजे "ट्रेंड".-म्हणजेच अशी दिशा किंवा साधारण कल ज्यानुसार बाजाराची अथवा एखाद्या शेअरची किंमत बदलत जाते.आता खालील आलेख
किंवा चार्ट पहा.


वरील चार्टमधील चढत जाणारा कल अगदी सहजच लक्षांत येतो, मात्र नेहमीच असा स्पष्ट कल ओळखता येतोच असे नाही.खालील चार्टमध्ये इतके चढ-उतार आहेत कि त्याची नेमकी दिशा ठरवणे कठीण आहे.


आपल्याला हे माहीत असेलच कि एखाद्या शेअरची किंवा निर्देशांकाची किंमत अगदी सरळ रेषेत कधीच वाढत वा कमी होत नाही तर छोट्या छोट्या चढ-उतारांची किंवा TOP & BOTTOMS ची ती एक मालिकाच असते. आणि याच छोट्या चढ-उतारांचा तांत्रिक विश्लेषणामध्ये ट्रेंड ठरवण्यासाठी वापर केला जातो. आता खालील आलेख पहा-



हे अपट्रेंड किंवा चढत्या कलाचे उदाहरण आहे.  क्र.२ हा पहिला TOP किंवा HIGH POINT आहे.यानंतर किंमत कमी झाली असून क्र.३ येथे ती पहिला तळ किंवा BOTTOM बनवत आहे. त्यानंतर आलेला क्र.४ चा TOP हा आधीच्या म्हणजेच क्र.२ च्या TOP पेक्षा उच्च पातळीवर आहे आणि नंतर आलेला क्र.५ चा BOTTOM हा त्याआधीच्या म्हणजेच क्र.३ च्या BOTTOM च्या वरच्या पातळीवर आहे. तसेच क्र.६ हा क्र. ४ पेक्षा उच्च पातळीवर आहे.अशा चढत जाणार्या TOPS & BOTTOMS ना Higher Tops/Higher Bottoms असे संबोधले जाते.आणि याप्रकारे सदर चार्टमधील अपट्रेंड निश्चित केला जातो. याउलट एखाद्या वेळी आधीच्या TOP पेक्षा नंतरचा TOP (किंवा आधीच्या BOTTOM पेक्षा नंतरचा BOTTOM ) हा खाली आला तर ट्रेंड रिवर्सलची म्हणजेच डाउनट्रेंड (उतरता कल) सुरू होण्याची शक्यता असते.
आता ट्रेंडचे दोन प्रकार-अपट्रेंड आणि डाउनट्रेंड हे आपल्या चांगले लक्षांत आले असतील.

         या व्यतिरिक्त कधी कधी बाजार आणखी एका प्रकारे हालचाल करतो- ज्यात बाजार रेंगाळलेला असतो- विशेष चढ-उतारच नसतात, त्याला SADEWAYS TREND म्हणतात. तांत्रिक विश्लेषणाच्या दृष्टीने हा खरे म्हणजे ट्रेंड नसतोच तर दिशाहीनता असते.


     हॆ झाले ट्रेंडच्या दिशेवरून ठरणारे प्रकार. आता ट्रेंडची लांबी म्हणजेच मुदतीवरून तीन प्रकार पडतात-

* SHORT TERM TREND (अल्पावधीसाठीचा कल)- महिना वा त्यापेक्षा कमी काळ चालणारा.

* INTERMEDIATE  TREND (मध्यम अवधी कल -एक ते तीन महिन्याचा काळ चालणारा.


* LONG TERM TREND (दीर्घ अवधी कल)- एक वर्षापेक्षा मोठा काळ चालणारा.

एका लोंगटर्म ट्रेंडच्या दरम्यान काही इंटरमिजिएट ट्रेंड असू शकतात कि जे मूळ ट्रेंडच्या विरुद्ध दिशेचे असतात. म्हणजेच एका दीर्घ अपट्रेंडमध्ये काही छोटे मध्यावधीचे वा अल्पावधीचे डाउनट्रेंड असू शकतात, त्याचप्रमाणे एका दीर्घ डाउनट्रेंड मध्ये काही मध्यावधीचे वा अल्पावधीचे अपट्रेंड असू शकतात. खालील चार्ट पहा-



येथे मूळच्या लोन्गटर्म अपट्रेंडमध्ये मध्य वा अल्पावधीचे डाउनट्रेंड सामावलेले दिसतात.
ट्रेंड चा अनालिसिस करताना चार्टची निवड योग्य प्रकारे करावी लागते म्हणजेच दीर्घावधीच्या ट्रेंडचा अभ्यास करण्यासाठी पांच वर्षे कालावधीचा डॆली किंवा वीकली डाटा (रोजच्या अथवा आठवड्याच्या किंमतींची नोंद असलेला) चार्ट वापरतात. मात्र मध्यावधी वा अल्पावधीसाठी फक्त डॆली डाटा चार्ट वापरावा लागतो. ट्रेंड जेवढा मोठया अवधीचा तेवढा तो साहजिकच ठळकपणे जाणवणारा असतो.

ट्रेंडलाईन्स-

ट्रेंडलाईन म्हणजे एखादा ट्रेंड दाखविणारी चार्टमध्ये काढलेली एक काल्पनिक सरळ रेषा.या रेषांचा वापर ट्रेंड आणि त्याचा रिवर्सल म्हणजे ट्रेंड बदलण्याची क्रिया दर्शवण्यासाठीही करतात. खालील चार्टमध्ये एक अपट्रेंड दिसत असून प्रत्येक LOW किंवा खालच्या बाजूच्या बिंदूंस जोडणारी एक सरळ रेषा काढलेली आहे.ही ट्रेंडलाईन, त्या विशिष्ट शेअरच्या किंमतीत होणारी घट जेव्हा जेव्हा थांबते त्या सर्व बिंदूंस जोडणारी आहे.म्हणजेच ही ट्रेंडलाईन सपोर्ट (आधार पातळी) दाखविणारी रेषा आहे. दुसर्या शब्दात सांगायचे तर या ट्रेंडलाईनमुळे किंमत घटण्याची प्रक्रिया थांबून ती परत वाढणे नेमके कधी सुरू होइल हे ठरवणे शक्य होते.

याचप्रकारे डाउनट्रेंड मध्ये अशी सरळ रेषा ही सर्व HIGH POINTS ना जोडणारी काढली जाते आणि ती रेषा, जेथे किंमत वाढणे थांबून कमी व्हायला सुरुवात होते ते सर्व बिंदू जोडणारी असते- म्हणजेच ती असते रेसिस्टन्स लेवल (विरोध पातळी) दाखविणारी रेषा.

CHANNELS ( चाकोरी )-

वरील विवेचनाप्रमाणे जर आधार आणि विरोध अशा दोन पातळी दाखविणार्या दोन समांतर रेषा जर चार्टमध्ये काढल्या तर त्याने बनतो तो चानेल. खालील आकृती पहा-



या चार्ट मध्ये उतरता म्हणजेच डाउनट्रेंड चानेल दाखविला आहे. अशा प्रकारे वरील बाजूस उच्चबिंदू व खालील बाजूस नीचबिंदूंना जोडणार्या दोन सरळ रेषांनी बनलेला हा चानेल अपट्रेंड,  डाउनट्रेंड वा साईडवेज असा कुठलाही कल दाखवू शकतो. कल कोणताही असला तरी मूळ गृहीतक असे कि सदर शेअरची किंमत या दोन पातळ्यांमध्येच बरेच वेळा वरखाली होत रहाते. अशी चाकोरीबद्ध प्रक्रिया काही महिनेसुद्धा चालू शकते. जोपर्यंत किंमत खालील वा वरील बाजूची ट्रेंडलाईन तोडून त्याबाहेर जात नाही तोपर्यंत आहे हाच ट्रेंड कायम राहण्याची शक्यता असते. जर एखाद्या वेळी किंमतीने दोन्हीपैकी कोणतीही पातळी तोडली तर त्या दिशेने किंमत आणखी पूढे जाण्याची शक्यता असते.यालाच ब्रेकआउट (वरील बाजूस तोडण्याची क्रिया) व ब्रेकडाऊन (खालील बाजूस तोडण्याची क्रिया) असे म्हणतात. अशा प्रकारे चानेल्स हे कल दाखविण्याबरोबरच आधार व विरोध अशा महत्वाच्या पातळ्या दर्शविण्याचे काम करतात.


वरील विवेचनातून आपण जर ट्रेंड ओळखणे शिकलो तर त्याविरुद्ध जाऊन आपण चूकीची खरेदी वा विक्री करणार नाही. तांत्रिक विश्लेषणामध्ये "TREND IS YOUR FRIEND" असे म्हटले जाते, एवढे "ट्रेंड" या संकल्पनेला महत्व आहे.या मित्राचा हात धरून ठेवा-तो आपल्याला कधी दगा देणार नाही!

पूढील भागात- आधार व विरोध पातळी विषयी विवेचन.

Read more »

१२ जून, २०१०

TECHNICAL ANALYSIS - तांत्रिक विश्लेषणाविषयी माहिती देणारे पत्रक-

सर्व  वाचकांनी नोंद घ्यावी कि तांत्रिक विश्लेषणाविषयी माहिती देणारे पत्रक (भाग -२) आजच या ब्लोगच्या सदस्यांना ( गूगल फ्रेंड कनेक्ट मेंबर्स) पाठविण्यात आले आहे.
अजूनही ज्यांनी सदस्यता घेतली नाही त्यांनी त्वरित सदस्यता घेऊन सदर मराठी भाषेतील माहितीपूर्ण सेवा  मिळवावी- अर्थातच पूर्णपणे मोफत !

नवीन सदस्यांनी विनंती केल्यास यापूर्वीची प्रत इ-मेल द्वारे पाठविण्यात येईल.

ENJOY THE WEEKEND!

Read more »

९ जून, २०१०

या आधीच्या पोस्टमध्ये म्हटल्याप्रमाणे आज जेव्हा जेव्हा बाजारात तीव्र विक्रीमुळे SHARP DEEP आली,तेव्हा खरेदी करणार्यांना फायदा झाला आहे.मात्र असे  डे ट्रेडींग करणे धोक्याचे असून स्टोपलोस लावणे अतिशय जरूरीचे असते, आणि आपल्या पोझिशन त्याच दिवशी स्क्वेअर करणे (बाहेर पडणे) चांगले.
 आजही आपल्या बाजाराने  आशियाई बाजारांच्या तुलनेत सुरुवात चांगली केली होती. आणि दिवसभरात चढ-उतार झाले तरी आपली मुळ तेजीची धारणा सोडली नाही.
दुपारी FTSE मध्ये मध्येच विक्री झाल्याने आपला बाजार बंद होताना  परत खाली आला.त्यांनंतर आता पुन्हा FTSE सुधारलेला दिसत आहे.
  अशा अस्थिर वातावरणात जराही धोका न पत्करण्याच्या प्रवृतीमुळे अचानक विक्री होते आणि बाजार (VOLATILE) होतात-वरखाली झोके घेतात-नक्की दिशा शोधत रहातात.
   आता आपण जरा वेगळ्या अंगाने या सगळ्या प्रकाराकडे पाहून काही निष्कर्ष निघतो का ते बघुया.त्यासाठी खालील दुव्यावर टिचकी द्या.

सदर आलेखात वरील बाजूस असलेले १ वर्षाच्या  (1y) काळाचे सिलेक्शन करा म्हणजे एका वर्षातील निफ्टीचा आलेख बघता येईल.

सदर गेल्या वर्षातील निफ्टीच्या आलेखावरून असे दिसते कि बाजाराने १३ जुलै २००९ रोजी एक तळ वा नीचांक गाठला होता ३९७४ चा. त्यानंतर जेव्हा जेव्हा काही कारणाने बाजारात विक्री झाली आणि PANIC आले तेव्हा बाजाराने जे तळ गाठले ते पुढीलप्रमाणे-
१९ ओगस्ट’०९  --- ४३९४
०३ नोव्हेंबर’०९ --- ४५६३
०५ फेब्रुवारी’१० --- ४७१८
२५ मे ’१०   ------- ४८०६
  आता आपल्याला सहजच अंदाज बांधता येईल कि बाजाराची खरी दिशा कोणती आहे ते!
गेल्या काही दिवसात मी फेब्रुवारी च्या नीचांकाचा आणि UPPER BOTTOMS चा सातत्याने का उल्लेख करतो आहे ते आपणास आता चांगलेच लक्षांत आले असेल.
  तेव्हा चांगल्या वाईट बातम्या येतच असतात त्याचा परिणाम बाजारावर होणारच.आपण परिस्थिती पाहून खरेदी-विक्री केली वा तटस्थ राहिलो तर फायदा कमवणे मुळीच कठीण नाही.
 भारतात मान्सूनची प्रगती चांगली होत असल्याने बाजाराला आणखी प्रोत्साहन मिळेल असे दिसत आहे.
 येथे गेल्या आठवड्यात म्हटल्याप्रमाणे टेलीकोम शेअरमध्ये चांगल्या बातम्या येऊ लागल्या आहेत.लारसन,भेल, बेंका, आणि अजूनही दबा धरून बसलेला रिलायन्स इंड. यावर भरवसा ठेवा.

Read more »

४ जून, २०१०

Breakthrough in OIL-SPILL!... "फेट" वादळाचा धोका टळला...!

एकदा चांगल्या बातम्या येऊ लागल्या कि येतच रहातात-जसे कि युरोपियन अमेरीकन बाजार सावरले-आपल्या बाजाराने काल चांगली वाढ दाखवली-आणि  मेक्सिकन आखातातील तेलगळतीवर गेले काही दिवस चालू असलेल्या अनेक प्रयत्नांना कालच यश मिळून, गळती होणारा समुद्रातील पाईप कापण्यात यश आले असून आता तेथे एक अन्य पाईप जोडून गळती होउन सर्वत्र पसरणारे CRUDE OIL आता जहाजामध्ये साठवण्याच्या योजनेतील एक मोठे पाऊल पडल्याचे मानले जात आहे.आसपासच्या प्रदेशाला  प्रदूषणापासून वाचवून नैसर्गिक संपत्तीचा अधिक विनाश टाळणे त्यामुळे शक्य होणार आहे.
गुजरातला व पर्यायाने जामनगरसारख्या मोठ्या प्रकल्पाला असलेला वादळाचा धोका आता टळला असून बरेच नुकसान टळले आहे.
  काल DOW JONES मध्ये विक्री झाली पण बंद होताना तो पुन्हा हिरवा झाला आहे.आशियाई बाजार मिश्र रंगात सुरू झाले आहेत. आज शुक्रवार असल्याने आणि थोडे PROFIT BOOKING होणारच असल्याने आपलाही बाजार आज FLAT रहाण्याचीच शक्यता आहे.
  आपल्या अंदाजाप्रमाणे टाटा स्टीलमध्ये काल विक्री दिसली आणि टेलीकोम व वाहन क्षेत्रात तेजी दिसून आली.त्याचबरोबर बेंका व रिलायन्स इंडस्ट्रीजमध्ये वाढ झालेली असून एकंदर पूढील आठवड्याच्या दृष्टीने चांगली पार्श्वभूमी तयार होत आहे.
तेजीमध्ये रिलायन्स,इन्फोसिस,टाटा मोटर्स,बेंका, ऒएनजीसी,लारसन अशा सर्वच दिग्गजांनी भाग घेतल्याने सदर कंपन्या तसेच संबधित क्षेत्रांतील अन्य चांगल्या कंपन्या जसे कि हिन्दाल्को,येस बेंक, AXIS BANK,भेल इ. यात चांगली वाढ दिसावी. 
WISH YOU ALL A  HAPPY WEEKEND!

Read more »

२७ मे, २०१०

Greece and World Economy -ग्रीस आणि जागतिक अर्थव्यवस्था-

           
गेले काही दिवस आपण ज्याची चर्चा सतत ऐकत आहोत त्या "ग्रीस" देशामध्ये नेमके घडले आहे तरी काय? याबद्दल माझे स्नेही आणि अर्थक्षेत्रातील अभ्यासक श्री.प्रसाद भागवत यांनी पुरविलेली माहिती खास माझ्या वाचकांसाठी येथे देत आहे-
गेल्या काही दिवसात युरोपातील ज्या आर्थिक पेचप्रसंगामुळे सर्व जागतिक बाजारांवर परिणाम झाला आहे त्या सर्व घटनांच्या मध्यभागी ग्रीस असल्याचे दिसून येते.पण ग्रीस या एका छोट्याशा देशामध्ये असे काय घडले आहे कि ज्याची GDP भारताच्या केवळ १/३ आहे आणि युरोपीय अर्थव्यवस्थेमध्ये ज्याचा वाटा फक्त २% आहे?
    हा काही एकट्या ग्रीसचा प्रश्न नाही तर त्याबरोबर पोर्तुगाल,इटली,आयर्लंड आणि स्पेन हे सुद्धा कर्जामध्ये बुडत आहेत.या सर्व देशांनी पूर्वी बरे दिवस असताना घेतलेली कर्जे फेडण्याची ही वेळ आहे, मात्र दुर्दैवाने २००८ सालच्या मंदीतून या अर्थव्य्वस्था वर येण्यात अपयशी ठरल्या आहेत आणि त्यातील काही तर प्रचंड आर्थिक तूट दाखवित आहेत- म्हणजेच जमा होणार्या महसूलापेक्षा त्यांचा खर्च अधिक झाल्यामुळे ते कर्ज फेडण्याच्या परिस्थितीत नाहीत.
    हे सर्व कसे घडते?-


आपला खर्च वा पायाभूत सोयीं उभारण्यासाठी जी भांडवली गुंतवणूक लागते त्यासाठी या देशाच्या सरकारांनी काही कर्जे घेतली-(अर्थातच त्यांच्या बर्या दिवसांत). ही कर्जे अल्पमुदतीच्या ट्रेजरी बिलांच्या आणि दीर्घमुदतीच्या कर्जरोख्यांच्या स्वरूपात होती.
 अशा कर्जावरील व्याजदर हा सहसा कमी असतो कारण एखाद्या "देशाचे सरकार" हे,त्याला कर वाढविण्याचे आणि खर्चात कपात करण्याचे अधिकार वा क्षमता असल्याने, साहजिकच आपले बजेट समतोल राखून म्हणजेच खर्चापेक्षा महसूल जास्त मिळवून कर्जाची सहज परतफेड करू शकेल अशा विश्वासामुळे गुंतवणूकीसाठी अतिशय सुरक्षीत मानले जाते.
    असे कर्ज देणार्यांत प्रामुख्याने बेंका,पेन्शन फंड, विमा कंपन्या आणि "सरकारी" सुरक्षेच्या हमीवर विश्वासून असलेला सामान्य गुंतवणूकदाही असतो.
   मात्र अशा सर्व विश्वासाला कधीकधी तडा जातो-जेव्हा ग्रीससारखे राष्ट्र आपल्या महसूलापेक्षा अवाच्यासवा खर्च करून बसते आणि मग यावर तोडगा म्हणून मोठी कर्जे उचलली जातात आणि परिणामी आणखी खोल गर्तेत जाते.कर्ज देणारे मात्र "हा सर्व तात्पुरता प्रश्न असून लवकरच ते आपली महसूलातील तूट भरून काढून आपली कर्जे फेडतील" अशा भ्रमात असतात.
  हळूहळू असा काळ येतो जेव्हा कर्जदारांना खर्या परिस्थितीची जाणिव होवू लागते-महसूलातील तूट अधिकच वाढू लागते आणि कर्जे फेडणे अशक्य असल्याचे दिसू लागते.मग अशा वेळेला कर्जदार नव्या कर्जांना वाढीव व्याजदर आकारू लागतात आणि परिस्थिती अधिकच बिकट होते.
ग्रीसने अशी कर्जे ही "युरो" या चलनात घेतलेली असल्याने नवीन चलन छापून ते फेडण्याची सोयही राहिलेली नसते.भारत आणि अमेरिकेसारखी राष्ट्रे कर्जे आपापल्या चलनात घेत असल्याने तशी वाईट वेळ आलीच तर त्यांना ती नवीन चलन छापून फेडणे शक्य असते-(अर्थात यामुळेही देशांतर्गत महागाईमध्ये होणारी वाढ अटळ असतेच). ग्रीसला मात्र हा पर्याय उपलब्ध नाही.
 अशा परिस्थितीत ग्रीससारख्या देशापुढे दोन पर्याय असतात-
 १)आपल्या महसूलामध्ये प्रचंड वाढ घडवून आणणे आणि त्याचवेळी आपला खर्च आवाक्यात आणून वा कपात करून कशाही प्रकारे तूट आवाक्यात आणणे वा कमी करणे-आणि त्याद्वारे आपल्या कर्जदारांचा/गुंतवणूकदारांचा विश्वास परत मिळवणे-जेणेकरून ते कमी दरात कर्जे देण्यासाठी मान्यता देतील.
२)आणि हे सर्व घडवून आणण्यासाठी जो काळ लागतो त्याकरिता तात्पुरती मदत म्हणून कमी व्याजदराने मोठ्या प्रमाणात देशाला तातडीने पैसा पुरविला जाणे- दुष्टचक्र भेदण्यासाठी.
  हे सर्व जर शक्य झाले नाही तर ग्रीसला -"स्वत:चे दिवाळे(Default) निघाले असून कर्जदारांना त्यांच्या पैशाचा फक्त काही भागच परत मिळेल आणि तेसुद्धा काही काळानंतर" अशी घोषणा करावी लागेल.
आणि येथेच तर खरी समस्या निर्माण होते-हा एका देशाचा प्रश्न न रहाता सार्या जगालाच भेडसावणारी मोठी समस्या बनते.ग्रीसचे बहूतेक कर्जदार हे ग्रीसचे नागरिक नसून परदेशी उदा. फ्रेंच वा जर्मन बेंका वा गुंतवणूकदार आहेत.जर ग्रीसने दिवाळे जाहीर केलेच तर या देशांच्या अर्थव्यवस्थांनाही त्याचा मोठा फटका बसणार हे उघड आहे.त्यापेक्षा महत्वाचे म्हणजे ग्रीस हा युरोपीयन युनियनचा सदस्य आहे,त्यामुळे ज्यांनी युरोमध्ये कर्जे दिलेली आहेत किंवा गुंतवणूक केली आहे,अशा सर्वच घटकांना चिंता उत्पन्न होऊन ते इतर देशांनाही कर्ज देतांना वाढीव दराची मागणी करतील.
  २००८ सालच्या मंदीमुळे सर्वच देश GDP मध्ये तूट दाखवित आहेत.ही तुट इतर युरोपीय देश व अमेरिकेची सुद्धा १०% पेक्षा कमी नाही.अशा परिस्थितीत ग्रीसला कमी दरात कर्ज मिळणे अधिकच कठीण बनले आहे.
अशा सर्व वातावरणात ग्रीसला मदत देण्यास जर्मनी व युरोझोन ने सुरुवातीस विरोध केला असला तरी ग्रीसला वाचविणे म्हणजे एका प्रकारे सर्व युरोपीयन देश आणि अमेरिकेलाही वाचविण्यासारखे आहे अन्यथा हे आर्थिक वादळ सार्यांनाच घेऊन बुडेल हे लक्षांत आल्यावर मदत Package जाहीर झाले आहे.
    पण अशी मदत दिल्यावर आणखी काही देश आपली तूट निर्धास्तपणे वाढ्वतील आणि त्यांनाही मदत देण्याची वेळ येइल अशीही रास्त भिती व्यक्त होत आहे.
  युरोपीयन सेंट्रल बेंकेने दिलेले १२० बिलियन डोलरचे Package ग्रीसकडून आपला महसूल वाढविण्याची आणि खर्चात कपात करून तूट भरून काढण्याची अपेक्षा तर करतेय पण ग्रीसची अशा बाबतीतली क्षमता शंकास्पदच वाट्ते आहे.
 याउलट समजा ग्रीसने आपल्या खर्चात कपात केली व कर वाढवून महसूल वाढविलाच तरी त्यामुळे थोड्या काळासाठी का होइना GDP कमीच होणार आहे.आणि तूट ही GDP च्या टक्केवारीत मोजली जात असल्याने GDP कमी झाल्याने GDP तील तूट आणखी वाढीव दिसणार आहे.ग्रीसला पुरेशा वेगाने आपली तूट ही GDP च्या ३% एवढी कमी करावी लागणार आहे आणि एक प्रकारे ही सर्वच देशांना वेळीच एकत्रित प्रयत्न करण्यासाठीची वार्निंग आहे.
युरोपीयन द्शांनी एकंदर एक ट्रिलियन डोलरची मदत करण्याचे ठरविले आहे आणि याचाच अर्थ काही बेंका व गुंतवणूकदारांची असलेली "RISK" ही  देशांच्या सरकारांकडे सुपूर्द करण्यासारखे आहे.हा सारा पैसा युरोपीयन सेंट्रल बेंक छापणार आहे तो युरोझोन मधील सरकारच्या वतीनेच-म्हणजेच युरोपमधील करदात्यांचाच तो पैसा असणार आहे-जो धोक्यात आहे.
  अशा प्रकारे कर्ज चुकविण्यासाठी अधिक कर्ज काढणे ही "योजना" काही काळपर्यंत हा प्रश्न सोडविल्यासारखा दाखवेलही मात्र आपल्या पिढीची ही समस्या आपण आपल्या मुलाबाळांच्या माथी मारत आहोत-एवढाच त्याचा खरा अर्थ आहे.


  




Read more »

२५ मे, २०१०

जागतिक बाजारांच्या चिंतेचे विषय -Europe,Hang Seng, Nikkei,Korea and Oil Spill in Mexican Gulf-

आज सकाळी आशियाई (Hang Seng, Nikkei) बाजारांनी जो लाल रंग दाखविला तो आपल्यासह जगभर पसरला. FTSE  ने आज ५००० ची महत्वाची सपोर्ट लेवल तोडली आहे.पडणार्या बाजाराला सपोर्ट लेवल नसते -तसेच जोराने वाढणार्या बाजाराला विरोध पातळी (Resistance level )  नसते असे म्हणण्याचा प्रघात आहे-  :)

  आता आपल्या बाजारासाठी (NIFTY )४७०० ची पातळी महत्वाची आहे याची दोन कारणे आहेत-
  १) फेब्रुवारी २०१० मध्ये गाठलेली ही नीचतम पातळी आहे-याचाच अर्थ ही पातळी जर तुटली तर बाजार तेव्हापेक्षा आणखी बराच खाली जाण्याची शक्यता आहे.
  २) ४७०० या पातळीवर निफ्टीचा पी/ई पुन्हा एकदा २० होईल-जो कालच्या DATA नुसार २०.६३ आहे.
या परिस्थितीत आपण ही पातळी तुटते किंवा नाही ( DOW JONES FUTURES ने १०,००० ची पातळी आज तोडली आहे तसेच उ. कोरियाच्या सैन्याला द. कोरियाविरुद्ध कारवाईसाठी सज्ज राहण्याचे आदेश मिळाल्याने व -मेक्सिकन आखातात चालू असलेल्या ब्रिटीश पेट्रोलिअमच्या तेलगळतीमुळे चिंतेत भरच पडली आहे (तेथील छायाचित्रे खास आपल्यासाठी-)

  -तेव्हा आता  बहूधा ४७०० ची पातळीही तुटेल) हे बघून F&O सेटलमेंट पर्यंत वाट बघणे ठीक राहील.आज बाजारात आघाडीच्या शेअरमध्ये जोरात विक्री झाल्याने चांगले शेअर कमी किंमतीत मिळणार आहेत मात्र दुसर्या टप्प्याची खरेदी नेमकी कधी करावी हे सांगण्याचा माझा जरूर प्रयत्न राहील, त्यासाठी या ब्लोगला Subscribe  / Bookmark करायला विसरू नका, आणि फायदा झाला तर येथे अवश्य Comment द्या. 


Read more »

२३ मे, २०१०

शेअरबाजारात हास्यलकेरी....ENJOY THE WEEK-END !

मित्रांनो ,
या वीकएन्ड मध्ये, नेहमीच्या "पैसा-पैसा "  करण्याच्या  माहौलमधून जरा विरंगुळा म्हणून  येथे जरा वेगळ्या प्रकारचे लेखन करावेसे वाटले आणि ते उजव्या बाजूला दिसणार्या  "विशेष काही.." या सदरात "शेअरबाजारात हास्यलकेरी "या
ठिकाणी आपण वाचू शकाल. 
                                                       
                                                   ENJOY THE WEEK-END!

Read more »

२० एप्रि, २०१०

WISH YOU ALL .HAPPY TRADING !

य़ा ब्लोगला मिळत असलेला अत्यल्प प्रतिसाद पाहून मी लिखाण थांबविण्याचा निर्णय घेत आहे.असे वाटले होते कि टीका झाली तरी चालेल, पण दखल घेतली जावी.मात्र ही अपेक्षा फोल ठरत आहे. चूका दाखवाव्यात एवढेही माझे लिखाण अपीलींग नसेल तर ते थांबविणे बरे. ज्या कोणी अपवादाने दखल घेतली आहे त्यांचे आभार.
WISH YOU ALL .HAPPY TRADING !
            

Read more »

४ मार्च, २०१०

फायदयाचे टाईमिंग करणे महत्वाचे !

गुरुवार दि. ४ मार्च-
कालच्या माझ्या अंदाजाप्रमाणे बाजारात आज नफारुपी विक्री झाली आणि दिवसभर बाजार तांबडा राहिला, मात्र असे असले तरी फार पडझड न होता बंद होताना बाजार सावरत गेला त्यामुळे दोन गोष्टी लक्षांत आल्या त्या म्हणजे हे करेक्शन नसून एकप्रकारे कन्सोलिडेशन म्हणता येईल; आणि हे कन्सोलिडेशन १७५००च्या बरेच आधी म्हणजे १७०००च्याही खाली होत आहे, तेव्हा एक अंदाज असा करता येतो कि पुढील काळात बाजार १७५०० च्या आसपास जास्त न रेंगाळता पुढे जाण्याची शक्यता दिसत आहे. मात्र उद्या शुक्रवार असल्याने खरेदी टाळा आणि जागतिक बाजार काय करतात तेही पहा, नाहीतर पैसा अडकून पडेल आणि वेळही ! 
आपले फेवरीट शेअर वाढत जाताना दिसत आहेतच, आज DLF ने हालचाल करणे सुरू केले आहे, SBI वाढेल असे दिसत आहे, पण फायदयाचे टाईमिंग करणे महत्वाचे आहे.

Read more »

१ फेब्रु, २०१०

इन्फ्रास्ट्रक्चर सेक्टरला सरकारचे झुकते माप

बराक ओबामांच्या विधानांमुळे आपल्या आय.टी. कंपन्यांवर थोडाफार परिणाम होईल या भितीने शेअरच्या किंमती खाली आल्या तरी इन्फोसिस, विप्रोसारख्या दर्जेदार कंपन्यांवर कायमस्वरूपी परिणाम होईल असे वाटत नाही. तेव्हा इन्फोसिस स्वस्त झाला तर संधी शोधा.
बर्याच चांगल्या कंपन्यांचे शेअर स्वस्त झाले असले तरी बाजार आणखी तुटला तर ? हा प्रश्न असतोच. सोमवारपासून या आठवड्याचे चित्र स्पष्ट व्हायला सुरूवात होईल.तेव्हा निदान सुरुवातीस तरी वाट बघण्याचे धोरण अवलंबावे. संध्याकाळी  युरोपीय व अमेरीकन बाजार पाहूनच बाजाराच्या पुढील वाटचालीचा अंदाज बांधणे योग्य ठरेल.
गेल्या आठवड्यात माझ्या सल्ल्याप्रमाणे खरेदी केली असेल तर त्याची चिंता नको - फक्त आणखी खरेदी करण्यापूर्वी अंदाज घ्या एवढाच याचा अर्थ !
वाहन उद्योगासाठी आगामी काळ चांगला असेल मात्र खरेदीची वेळ संभाळा.
"RBI च्या दरवाढीमुळे सर्वच व्याजदर वाढणार नाहीत" या निर्णयामुळे बाजाराने सुटकेचा नि:श्वास टाकला आहे, मात्र जागतिक घटक अजूनही परिणाम दाखवू शकतात.
इन्फ्रास्ट्रक्चर सेक्टरला सरकार झुकते माप ( व निधी) देईल असे स्पष्ट संकेत आहेत.-आता असा निर्णय सरकारला घेता येणे हीच माझ्या दृष्टीने अर्थव्यवस्थेसाठी व बाजारासाठी चांगली घटना आहे.

Read more »

२७ जाने, २०१०

बाजारात जेवढे PANIC जास्त तेवढ्या खरेदी संधी अधिक !

काल २६ जाने.ची सुटी असल्याने, कालच्या आशियाई बाजारांच्या घसरणीचा परिणाम आज बघायला मिळाला.त्यामानाने आज आशियाई बाजार कमी घसरले.उद्या सेटलमेंट व परवा RBI चे जाहीर होणारे धोरण यामुळे बाजारात चिंता आहे.यादरम्यान मी केलेली काही निरीक्षणे याप्रमाणे-
  • आज SBI,DLF,Tata Motor Tata Steel, यात विशेष घट दिसली. 
  • सेन्सेक्स व इतर शेअरच्या मानाने RIL गेले काही दिवसात खूप कमी प्रमाणात म्हणजे फक्त ७ ते ८ टक्के पडला, त्या तुलनेत टाटा स्टील, SBI इ.शेअर जवळ जवळ १५ टक्क्याने पडले आहेत.
  • भारती एअरटेल अजिबात पडला नाही, सोमवारी तर त्यात चक्क वाढ दिसली.
  • सेन्सेक्सच्या मानाने जे शेअर जास्त पडतात  -वा वाढतात- ( म्हणजेच ज्यांचा "बीटा फेक्टर " जास्त आहे ) त्यांचा शोर्ट टर्म ट्रेडींगसाठी विचार अवश्य करा. 
  • बाजारात PANIC निर्माण होत आहे.२९ ता. नंतर पडझड तीव्र झाली तर बरेच चांगले शेअर "OVERSOLD" होतील- याचाच आपण फायदा उठवायचा आहे. बाजारात जेवढे PANIC जास्त तेवढ्या खरेदी संधी अधिक !
  • बाजार अगदी तळाला येण्याची वाट बघितल्यास एका दिवशी अचानक तो ४०० ते ५०० अंशांनी वरतीच उघडेल अशी शक्यता. तेव्हा सावकाश खरेदी चालू ठेवा.(मी तशी ठेवली आहे.) 
  • सत्यममध्ये  ऐन PANIC  होते तेव्हा म्हणजे तो १५ ते २० रु.ना मिळत असताना खरेदी केलेले किती जण आहेत ? अगदी थोडके ! पण सध्याच्या वातावरणातही ते भाग्यवान पांचपट फायद्यावर बसले आहेत हे ध्यानात घ्या.आपल्या एकूण बाजाराची स्थिती त्यावेळच्या सत्यमसारखी वाईट नक्कीच नाही, मग भिती कसली ?
  • माझ्या आधीच्या अंदाजाप्रमाणे साखर ( व एकूणच जीवनावश्यक वस्तू ) महागाईवरून उठलेले वादळ शमले नसताना बजाज हिंद मात्र सोमवारी व आज जोरात होता. बाजार आणखी पडला तर तो खाली येइलही पण वातावरण सुधारल्यावर तो बघा कसा उड्या मारेल ते ! 
  • तसेच रोल्टा बाजाराला न जुमानता झेप घेण्याचा प्रयत्न करतो आहे- हेरून ठेवा !  
  • इंडीया सिमेंट OVERSOLD  वाटतो आहे. 

Read more »